Alam Mo Kung Ano ‘Yun?

Isang liham na naman ang ating matutunghayan sa araw na ito. Bagama’t tapos na ang Buwan ng Pag-ibig, hindi pa naman siguro huli ang isang ito.

Basahin natin:

kuya mao,

Ano po ba ang tawag sa lalaking mahal pa din ang ka-live in nya kahit alam nya na ang nakabuntis dito ay ang tropa nya at pumapayag pa syang hatid sundo ang bata para dumalaw sa lola?

Salamat po.

bhadz

Maraming salamat sa pagsulat mo bhadz.

Hindi ko alam kung kwento lang ‘to sa’yo nung tropa mo o ikaw ‘yung tropa mismo.

Anyways, sigurado ako na kung ito ay bigla mong itatanong ibang tao o sa kahit sinong tao na hindi mo bibigyan ng panahon na mag-isip o alamin man lang ang kwento sa likod ng kwento, ang siguradong sagot dyan ay isang naghuhumindig na T-A-N-G-A.

Maniwala ka.

Hindi lang sabon ang nakakatanggal ng 99.9% na germs kundi maging ang mga taong makakaalam nito ay ‘yan din ang magiging paniniwala.

Pero dahil gusto nating maging fair, isa-isahin natin.

Pero pabaligtad.

Gusto ko munang saguting e kung anong tawag dun sa tropang nagbuntis ng ka-live in nung tropa nya.

Alin man yan sa manyakis, kups o ahas. At pwede ring makapal ang mukha.

Tropa mo sinulot mo pa? Lupit mo men.

Sigurado ka ba na tropa mo ‘yun? Baka kasi akala nya kasosyo mo sya e.

O ganun ba talaga ka-tight ang samahan nyo at pati jowa e kelangan share din?

E ano naman tawag mo dun sa ka-live in mo na nagpabuntis sa tropa mo?

Ooooppppssss!

Mali ang iniisip mo.

Hindi sya malandi o halapirot.

Ayokong maging double standard.

Naniniwala ako sa gender equility kaya dapat bigyan natin ng benefit of the doubt ‘yung ka-live in mo.

Baka naman nangati lang at nagpakamot sa iba.

E natsambahan dahil hindi nagkapote si tropa.

Ayun!

Bukol!

Balikan natin ang tanong tungkol dun sa tawag sa lalaki.

Ang pwedeng maging tawag dyan ng karamihan e T-A-N-G-A.

Sa iba e martir.

At kung dun mo sa isa kong kaibagan mo itatanong e siguradong sagot nya e nagmamahal lang.

Lahat ng sagot sa tatlo e maaaring tama.

Tanga ka kasi alam mo na tropa mo ang nakabuntis e ayos lang sa’yo.

Martir ka dahil ayos na nga sa’yo na nabuntis ng iba ang jowa mo tapos payag ka pa din na hatid sundo nila ‘yung bata para dumalaw sa lola? Tibay mo men!

Ano ‘yun happy family sila?

‘Wag mong sabihin na ikaw pa ang bumibili ng gatas at diaper ng bata. Sabihin mo sa tropa mo e kailangan nya din ng pinansyal na puhunan at hindi lang semilya ang puhunan.

Nagmamahal lang dahil sa kabilang ng lahat ng ito e tanggap mo pa din sya at mahal mo pa din sya.

Pero brad, katukin mo din ulo mo minsan.

Baka stock up na at hindi na gumagana.

Isipin mo kelangan mo din mahalin ang sarili mo.

Oo nga at masaya ka dahil nakakapagpasaya ka ng iba pero hindi mo ako maloloko kung sasabihin mong hindi ka napapraning minsan na baka gusto na nilang bigyan ng kapatid ‘yung bata?

Ngayon, alam ko naman na sumasagi din sa isipan mo ‘yun, oras na mapraning ka na maaaring gusto na nilang sundan ‘yung bata, aba’y mahalin mo din naman ang sarili mo.

Hahayaan mo na lang ba na lagi kang guluhin ng isip mo?

At kung magkaganun man, siguradong wala ka na ding tiwala sa ka-live in mo at walang saysay ang pagsasama nyo kung wala ka ng tiwala dahil magiging puno lang ‘yan ng pag-aaway nyo.

‘Yung kahit sa’yo na lang sya nahingi ng kapatid nung bata e iisipin mo pa din na gumagawa pa din sila nung tropa mo.

Kung naiisip mo ‘yun e makipaghiwalay ka na.

Mag-move on ka.

Lumipat ka ng bahay.

Tapos isama mo ‘yung jowa nung tropa mo o ung tropa ng ka-live in mo para naman hindi ka malungkot.

Sana ay nasagot ko ang iyong katanungan. Sabihan mo din sa ka-live in mo at sa tropa mo na sumulat din para naman mabigyan ko sila ng payo tungkol sa tamang family planning.

Hanggad ko ang iyong kaligayahan.

Nagmamahal,

Kuya Mao

*****

Kung may tanong ka tungkol sa kahit anong bagay o may kwento kang gustong marinig, magsend ka lang ng email sa dearkuyamao@gmail.com. Lagyan din ng subject na dearkuyamao para hindi madaling masagot ng trash bin. Gagawan natin ng paraan para ikaw ay maaliw. Hihintayin ko ang email mo!

P.S.

Tumatanggap din tayo ng mga kwento tungkol sa kahit saang bagay. Send nyo lang sa dearkuyamao@gmail.com. Sinisigurado ko ang ’yong privacy kung ‘yun ang gusto mo, huwag lang kalimutan maglagay ng screen name para sa proper credit at para sumikat ng konti.

(Tumatanggap din tayo ng love letters at death threats)

P.S.

Pede na rin magpadala ng sulat sa pamamagitan ng Twitter. Paki-follow si kuyamao sa kanyang twitter account http://twitter.com/#!/kuyamao‘Wag lang kalimutan lagyan ng #dearkuyamao para hindi magkalituhan. Ano pang hinihintay mo? Tweet na! :)